20-июнь күнү Жайыл районунун Алтын айылында машина көлмөгө түшүп кеткен. Бул тууралуу Чүй облустук ички иштер башкармалыгы билдирди.

Маалыматка караганда, Кара-Балта шаарынын 40 жаштагы тургуну үй-бүлөсү жана балдызынын балдары менен эс алганы келген.

Кечинде машинасы менен бурулуп жатып, сууга түшүп кеткен. Айдоочу, анын аялы жана ымыркайы, балдызы 6 жашар кызы менен унаадан чыга алышкан. Калган 4 жаштан 9  жашка чейинки 6 бала чөгүп кетти.

Милициянын маалыматында, айдоочу мас абалында рулга олтурган. Жоопкерчиликсиздиги адам өлүмүнө алып келген жаран кармалып, убактылуу кармоочу жайга киргизилди.