Жумгал районунун Миң-Куш айылында көмүр казган “Шанси Коал Инвестмент Групп” ишканасы суу жана жер мыйзамдарын бузганы үчүн жоопкерчиликке тартылды.

Айыл чарба министрлигинин маалыматына ылайык, компания 2024–2025-жылдары жер үстүндөгү сууларды пайдалангандыгы үчүн 1 484 280 сом төлөөгө милдеттендирилди. Мындан тышкары, аныкталган башка эреже бузуулар үчүн ишканага 17 миң сомдук айып пул чегерилди.

Нарын облустук башкармалыгы ишканага каражатты төлөө боюнча жазма буйрук берип, аны аткарууга бир айлык мөөнөт койду.