Эмгек, социалдык камсыздоо жана миграция министрлиги 7–8-ноябрь күндөрү Кыргызстанда иш күнү бир саатка кыскартыларын маалымдады.

Маалыматка караганда, быйыл Тарых жана ата-бабаларды эскерүү күнү иш күнүнө туш келгендиктен, кыргызстандыктар бул күнү кадимки тартипте иштешет. Ошол эле учурда, Эмгек кодексине ылайык, майрам алдындагы иш күнү бир саатка кыскартылат.

Министрлик иш берүүчүлөрдөн мыйзамдагы бул талапты сактоону жана кызматкерлерге ыңгайлуу шарт түзүүнү өтүндү.