Бишкек шаарында 2027-жылдын жайына чейин ар дем алыш күндөрү азык-түлүк жарманкелери өткөрүлүп турат. Анда эт, сүт азыктары, жашылча-жемиштер жана башка күнүмдүк керектелүүчү товарлар сатылат. Бул тууралуу Айыл чарба министрлиги билдирди.

Жарманкелер калкты азык-түлүк менен камсыз кылуу жана өндүрүүчүлөрдүн продукциясын ортомчуларсыз түз сатууга шарт түзүү максатында уюштурулууда.

Өткөрүлүүчү даректер жана графиги:

• Биринчи май районунда: 2026-жылдын 7–8-ноябрынан баштап 2027-жылдын июнь айына чейин ар ишемби жана жекшемби күндөрү Т. Усубалиев атындагы аянтта;
• Ленин районунда: 2026-жылдын 6-ноябрынан баштап 2027-жылдын июнь айына чейин ар жума, ишемби жана жекшемби күндөрү Жал кичи районундагы Миңжылкыев менен Тыналиев көчөлөрүнүн кесилишинде.