Кыргызстанда ЖККУнун «Нелегал-2026» аймактык операциясынын алкагында миграциялык мыйзамдарды бузган жүздөгөн адамдарга жана 24 компанияга жалпы суммасы 9,1 млн сомдон ашык айып пул салынды. КР УКМКнын басма сөз кызматы 1-июндан 10-июнга чейин курулуш аянтчаларында жана тигүү ишканаларында өткөрүлгөн масштабдуу текшерүүлөрдүн жыйынтыктары тууралуу билдирди.

Рейддердин жыйынтыгы менен күч түзүмдөрү республикада жүрүү жана эмгек ишмердүүлүгүн жүргүзүү эрежелерин бузган чет элдик жарандарга карата 922 административдик протокол түзүшкөн. Чет элдиктер үчүн айып пулдардын жалпы суммасы 7,9 млн сомду түздү. Мындан тышкары, чет элдик жумушчу күчүн мыйзамсыз тарткандыгы үчүн 24 юридикалык жак жоопкерчиликке тартылып, компанияларга дагы 1,2 млн сомго айып пул салынды.

Мекемеден белгилешкендей, ыкчам-алдын алуу иш-чаралары улуттук коопсуздукту камсыз кылуу, көмүскө миграция каналдарына бөгөт коюу жана курулуш, ошондой эле тигүү бизнесинин өкүлдөрүнө алдын алуучу таасир көрсөтүү максатында жүргүзүлдү. Өлкө ишканаларында миграциялык мыйзамдардын сакталышын көзөмөлдөө иштери улантылат.