Ысык-Көл районундагы жол кырсыктан 4 адам каза болду. Бул тууралуу ӨКМдин басма сөз кызматы билдирди.
Маалыматка караганда, жол кырсык 9-июнда Балыкчы —Ананьево — Каракол унаа жолунун 98-чакырымында (Комсомол айылы) катталып, “Volvo” менен “Volkswagen Passat” үлгүсүндөгү унаалары кагышкан.
Кырсыктын кесепетинен 4 адам (3 эркек жана 1 аял киши) каза болгон (аты-жөндөрү такталууда). Жерине Ысык-Көл райондук №31 ӨКБдан 4 куткаруучу тартылып, каза болгондордун жансыз денелерин унаадан чыгарып ИИМ кызматкерлерине өткөрүп беришкен.