Ош облусунун мурдагы губернатору Зиядин Жамалдинов мамлекеттик кызматта иштеген мезгилине байланыштуу козголгон кылмыш ишинин алкагында кармалды.

Укук коргоо органдарындагы булактардын маалыматына ылайык, тергөө анын облус башчысы болуп иштеген учурундагы ишмердүүлүгүнө байланыштуу жүргүзүлүүдө.

Бишкек шаарындагы Биринчи май райондук соту 15-апрелде тергөө органдарынын өтүнүчүн канааттандырып, аны камакка алуу чечимин чыгарган.

Соттун басма сөз кызматы 20-апрелде билдиргендей, Жамалдиновго КР Кылмыш-жаза кодексинин 41-беренесинин 2-бөлүгү жана 263-беренесинин 1-бөлүгү («уюшкан топторду жана кылмыштуу коомчулуктарды каржылоону уюштуруу») боюнча айып тагылууда.

Ал 10-июнга чейин СИЗО-1ге киргизилди.