КМШнын алдында орус тилин колдоо боюнча эл аралык уюм түзүү сунушталды. Бул демилгени Казакстандын президенти Касым-Жомарт Токаев Санкт-Петербургдагы КМШ өлкөлөрүнүн лидерлеринин бейформал саммитинде көтөрдү.

Токаевдин сунушун Россиянын президенти Владимир Путин колдоого алды.

“Бул демилге үчүн президент Токаевге ыраазычылык билдиребиз. Орус тили мамлекеттер аралык баарлашуунун тили болгондуктан, менимче, бул баары үчүн маанилүү”, – деди ал.

Ошондой эле ал 2023-жыл КМШда орус тили жылы деп жарыяланганын айтып өттү.

Эскерте кетсек, КМШ өлкөлөрүнүн лидерлеринин бейформал саммитине Россия, Казакстан, Тажикстан, Армения, Өзбекстан, Азербайжан жана Беларустун өлкө башчылары катышты. Саммитке президент Садыр Жапаров барган жок.

Биздин Телеграм каналга катталыңыз