«Түндүк» ААК жарандарга алдыдагы пландуу техникалык иштер тууралуу эскертет. Буга байланыштуу мобилдик тиркеме жана Мамлекеттик электрондук кызмат көрсөтүүлөр порталы убактылуу жеткиликтүү болбойт.

Компаниядан түшүндүрүшкөндөй, техникалык иш-чаралар санариптик платформанын ишин жакшыртууга, процесстерди оптималдаштырууга жана калкка көрсөтүлүүчү кызматтардын сапатын жогорулатууга багытталган.

Иштер 2026-жылдын 17-апрели саат 20:00дөн 18-апрели саат 12:00гө чейин созулат. Кызматтарды өчүрүү төмөнкү график боюнча этап-этабы менен жүргүзүлөт:

• 20:00дө (17-апрель) — бардык акы төлөнүүчү кызматтар өчүрүлөт;
• 22:00дө (17-апрель) — мобилдик тиркеменин жана Мамлекеттик электрондук кызмат көрсөтүүлөр порталынын иши толугу менен токтотулат.

18-апрель күнү түшкө маал тутум кайрадан штаттык режимде иштей баштайт деп күтүлүүдө.

«Түндүк» ААК колдонуучуларга өз иштерин алдын ала пландаштырууну жана бардык зарыл болгон электрондук кызматтарды, көчүрмөлөрдү жана маалымкаттарды 17-апрель саат 20:00гө чейин алып калууну сунуштайт.