Ысык-Ата районунда Чоң Чүй каналына унаа түшүп кетип, бир адам каза болду. Бул тууралуу ӨКМдин басма сөз кызматы билдирди.
Маалыматка караганда, Красная Речка айылында “Мерседес Бенц” үлгүсүндөгү унаанын айдоочусу рулду башкара албай, ЧЧК суусуна түшүп кеткендиги тууралуу маалымат түшкөн.
Кырсык болгон жерден 1990-жылы туулган М.у.К. аттуу эркек киши суудан сүзүп чыккан. Куткаруучулар тартылып, унааны суудан чыгарышкан.
Ичинен 2001-жылы туулган И.к.Ф. аттуу аял кишинин жансыз денеси табылып, ИИМ кызматкерлерине өткөрүлүп берилген.
Жерине жалпы 7 куткаруучу тартылды.
Бардык жаңылыктар Телеграм каналда
