2020-жылы боло турган эл жана турак жай фондун каттоодо алгачкы ирет мигранттар тууралуу маалымат чогултулат. Бул тууралуу Улуттук статистика комитетинин Эл жана турак жай фондун каттоону уюштуруу тобунан маалымдашты.
Анын айтымында, мындай жол менен Улуттук статистика комитети мигранттардын реалдуу санын, алар кайсы өлкөдө, эмне иштер менен алек болорун билгиси келет. Бул жолку эл каттоодо иштөө максатында чет өлкөгө чыгып кеткен мигранттар боюнча маалымат чогултулат. Документке мигрант катары киргизиш үчүн ал адам өз мекенинен бир жылдан ашык убакытка кеткен болушу керек. Бир нече гана айга сыртка чыккан адам туруктуу жаран катары эсептелет.
Белгилей кетсек, 2020-жылдын 27-мартынан тарта Кыргызстанда калкты жана турак жайды каттоо жүрөт. Анда кыргызстандыктар 19 суроого жооп беришет. Бул жолу эл каттоо— алгачкы жолу электрондук форматта өтөт.
