Бишкекте Кыргызстандын эл артисти, залкар төкмө акын, маркум Элмирбек Иманалиевдин “Булбулум, булбулум ай” аттуу обондуу ырлар жыйнагынын бет ачары өтөт. Бул тууралуу “Айтыш” коомдук фондунан билдиришти.

Китептин бет ачары Улуттук тарых музейинде 20-апрель күнү саат 15:00 болот. Иш-чара сүрөт көргөзмөсү менен коштолот.

Башкы демөөрчү “Айтыш” коомдук фонду.

Эске салсак, Элмирбек Иманалиев 2020-жылдын апрель айында 42 жашында мезгилсиз дүйнөдөн кайткан. Эл артисти 1978-жылы 17-январда Токтогул районунун Өзгөрүш айылында жарык дүйнөгө келген.

Элмирбек Иманалиев акын, обончу катары «Аруузатым», «Булбулум», «Жалгыздыктан тажап бүттүм», «Коштошуу вальсы», «Мунарым», «Балкыма» сыяктуу эл оозундагы бир топ чыгармаларды жараткан.

Биздин Телеграм каналыбызга катталыңыз