Бишкекте унаа айдап качууга шектүүлөр кармалды. Бул тууралуу Ленин райондук милициясынан билдиришти.

Маалыматка караганда, 18-майда милицияга М.А. аттуу жаран арыз менен кайрылган. Ал арызында билдиргендей, 18-майга караган түнү белгисиз адамдар Honda Fit унаасын уурдап кеткен.

Бул факты боюнча Кылмыш-жаза кодексинин 211-беренеси (Автотранспорт каражаттарын айдап качуу) менен кылмыш иши козголгон.

Ыкчам-тергөө иштеринин натыйжасында шектүү катары 19 жаштагы Ж.А. жана 20 жаштагы М.Д. аттуу жарандар кармалып, убактылуу кармоочу жайга камакка алынган. Уурдалган унаа табылып, ээсине кайтарылган.

Милициядан билдиришкендей, учурда шектүүлөрдүн дагы башка ушул сыяктуу кылмыштарга катыштыгы текшерилүүдө.

Биздин Телеграм каналга катталыңыз