АКШ 69 өлкө үчүн импорттук тарифтерди киргиздиӨКМ эскертет: Бишкек жана Чүйдө катуу шамал күтүлүүдөТажикстан Афганистанга электр энергиясын экспортоону чектейтСадыр Жапаров Казакстандын Тышкы иштер министри Мурат Нуртлеуну Чолпон-Атада кабыл алдыКазакстандын өкмөтү Кыргызстан жана Өзбекстан менен суу берүү маселесин талкууладыЧүйдөгү “Кемин” чек ара заставасы толук реконструкцияланды
Нарын: УКМК прокурор менен тергөөчүнү пара опузалоого шектеп кармады
06.03.2024 | 15:26
Нарында опузалап пара алууга шектелип прокуратура кызматкери жана милициянын тергөөчүсү кармалды. Бул тууралуу УКМКдан билдиришти.
Маалыматка караганда, облустук прокуратуранын кызматкери М.С. жана милициянын тергөөчүсү Э.Н. алдын ала сүйлөшүп алып, арыз жазган адамдан кылмыш иши боюнча оң чечим чыгарып берүү үчүн пара опузалаган.
5-мартта пара алып жаткан жеринен милициянын тергөөчүсү кармалган.
Кармоо иштерин УКМК менен ИИМдин Ички иликтөө кызматы жүргүзгөн.
Учурда прокурор менен тергөөчү УКМКнын убактылуу кармоочу жайына камакка алынды. Аларга Кылмыш-жаза кодексинин 343-беренесинин 2-бөлүгүнүн 1-пункту (пара опузалоо) боюнча кылмыш иши козголду.