Ош облусунун Кара-Суу районунда уурулукка шектелген жаран кармалды. Бул тууралуу облустук милициянын маалымат кызматы билдирди.
Белгилүү болгондой, былтыр 4-декабрга караган түнү Нариман айыл аймагынын тургунунун үйүнө белгисиз бирөө кирип, 45 миң сом акчасын уурдап кеткен. 2024-жылы 7-январда үй ээси милицияга арыз менен кайрылган.
Аталган факт каттоого алынып, тергөөгө чейинки текшерүү иштери башталган. Анын жыйынтыгы менен Кылмыш-жаза кодексинин 205-беренеси (уурдоо) боюнча кылмыш иши козголгон.
Ыкчам-издөө иштеринин натыйжасында 21-мартта шектүү катары 22 жаштагы Ж.Э. аттуу жаран кармалган.
Тергөө амалдарынын жүрүшүндө кылмышка шектүү Ж.Э. дагы 7 үйгө кирип, акча, сыналгы, уюулдук телефондорду, ноутбуктарды уурдап кеткендиги аныкталган.
Жарандарга келтириген зыяндын болжолдуу суммасы 500 миң сомго жетет.
“Учурда жабырлануучуларга келтирилген зыяндын орду толтурулуп, ыкчам-тергөө амалдары уланууда”, — деп билдиришти милициядан.
