Олимпиада оюндарына жолдомо бере турган Азиялык лицензиялык мелдешке Кыргызстандын атынан грек-рим күрөшү боюнча кайсы балбандар катышары белгилүү болду. Аталган мелдеш 19-21-апрелде Бишкекте өтөт.
Дене тарбия жана спорт департаменти Reporter.kg’ге билдиргендей, ага Кыргызстандан 4 балбан катышат.
Лицензиялык мелдешке катыша турган балбандардын тизмеси:
- Амантур Исмаилов — 67 кг
- Асан Жанышов — 87 кг
- Үзүр Жузупбеков — 97 кг
- Роман Ким — 130 кг
Эскерте кетсек, грек-рим күрөшүндө 60, 67, 77, 87, 97 жана 130 кг салмактары олимпиадалык болуп саналат. Буга чейин 60 кг салмакта Жоламан Шаршенбеков жана 77 кг салмакта Акжол Махмудов лицензия алган.
