ӨКМ Чүй, Талас облустарынын айыл өкмөттөрүнө жана мэрияларына айып пул салдыБишкекте №1, №243 жана №226 автобустардын кыймыл жолу убактылуу өзгөртүлдүТүтүн, дөңгөлөк жана адреналин: «Ганси» автодромунда дрифт боюнча чемпионат өттүБишкекте жигиттер мушташып, аларды милиция кармадыКайыңды шаарындагы бала бакча жана маданият үйү мамлекетке кайтарылды — УКМКБыйыл өлкөдө 2,7 миңден ашык өрт кырсыгы катталып, 34 адам каза тапты
“Актерду шылдыңдабагыла!”. Чокморовдун айкели бир аптадан бери ак матага оролуп турат
25.04.2024 | 13:20
Актер Сүймөнкул Чокморовдун Бишкектин борборундагы айкели бир аптадан ашык убакыттан бери ак кездемеге оролуп, ачылбай турат. Буга байланыштуу шаар тургуну Чолпон Кулмухамбетова социалдык тармак аркылуу мэрге кайрылды.
Ал эстиликтин ачылбай турушу маданиятсыздык экенин белгилейт.
“Бул борбор калаада болбой турган көрүнүш. Бир аптадан бери ушунтип турат”, – дейт ал.
Шаардыктар бул көрүнүштү актерду шылдыңдоо, кордоо катары кабыл алганын жазууда.
Белгилей кетсек, Сүймөнкул Чокморовдун айкели 2017-жылы орнотулган. Бирок ал көпчүлүккө жаккан эмес. Коомчулуктун сын-пикири кабыл алынып, эстелик кайра жасала турган болуп, ал 2022-жылы алынган.
Жаңысын скулпьтор Азамат Абдрахманов менен архитектор Нурсейит Мамбетказиев жасады.
Рубрики: Жаңылыктар, Коом