Кыргызстандын эркин күрөш боюнча балбаны Саякбай Усупов күрөштөн 12 жылга четтетилди. Бул тууралуу Эл аралык тестирлөө агенттигинин сайтында айтылат.

Маалым болгондой, ал 2022-жылдын 24-апрелиндеги кызытма текшерүүсүнөн өтө албай калган. Анын организминен «дростанолон» жана «тренболон» дарылары табылган.

Ал спорттон 2022-жылдын 9-июнунан тартып 2034-жылдын 8-июнуна чейин 12 жылга четтетилди.

Эскерте кетсек, буга чейин грек-рим балбаны Акылбек Талантбеков да кызытма колдонгон делип 4 жылга күрөштөн четтетилген.

https://reporter.kg/kyrgyz-balbany-akylbek-talantbekov-kyroshton-4-zhylga-chettetildi/