Военно-Антоновка айылында салына турган жаңы “Ак Кула” ат майданы 30 миң орунга эсептелип курулат. Бул тууралуу Мамлекеттик сатып алуулар порталында айтылат.

Ат майдандын долбоордук-сметалык документтерин даярдоого 31 млн 85 миң сом каралган. Тендер боюнча арыздар 14-октябрга чейин кабыл алынат.

Ат майдандын жалпы аянты 224,8 гектарды түзөт. Анын аймагында 30 миң орундуу трибуна, 1200-1500 орунга эсептелген унаа токтотуучу жай (жер алдындагы унаа токтотуучу жай да салыныш мүмкүн), 500 орундуу мейманкана, 1000 орундуу ашкана, 20 жылкыга ылайыкталган аткана, даараткана, административдик имарат ж.б. салуу пландалууда.