Улуттук коопсуздук мамлекеттик комитети Бишкектеги ири тойканалардын ээси кармалганын билдирди.

Маалыматка ылайык, “Асман”, “Мейкин”, “Сый ордо”, “Ата”, “Ак булут” жана “Ак Сарай” банкеттик залдары кызыл сызыктан чыгып, мыйзамсыз кеңейтилип келген.

Ишканалардын кожоюну С.А.С. аттуу жаран айрым мамлекеттик кызматкерлер менен сүйлөшүп, ресторандардын негизги бөлүктөрүн ижарага алынган муниципалдык жер тилкелерине жайгаштырганы аныкталды.

Ишкер учурда убактылуу кармоочу жайга киргизилди.