Кой-Ташта экс-президент Алмазбек Атамбаевдин үй-бүлөсүнө таандык үйдүн жанында адамдар топтолгонун Атамбаевдин кызы Алия Шагиева соцтармак аркылуу билдирди.

Анын айтымында, үйгө ондогон адамдар келип, алардын айрымдары милиция формасында, кээ бирлери жарандык кийимде болгон. Алар документтерди көрсөтпөстөн эшикти күч менен ачышканын айткан.

Учурдагы маалыматтарга ылайык, үйдүн ичинен эмеректер чыгарылып жатат. Окуя болгон жерде күч органдарынын кызматкерлери да бар экени кабарланууда.

Расмий органдар тараптан азырынча комментарий берилген жок.