Бишкек шаарынын мэриясы коомдук транспортто жүргөн жүргүнчүлөр үчүн ыңгайлуу шарттарды түзүү максатында борбордун бир катар негизги көчөлөрүндө өзүнчө тилкелерди уюштурууну улантууну пландап жатат.

Мэрия карап жаткан жаңы тилкелер төмөнкү көчөлөрдө жайгашмакчы:

• Ю. Абдрахманов көчөсү (Байтик Баатыр көчөсүнүн уландысы) — А. Токомбаев көчөсүнөн Жумабек көчөсүнө чейин;
• Жибек Жолу проспекти — Лермонтов көчөсүнөн Тоголок Молдо көчөсүнө чейин;
• И. Ахунбаев көчөсү — 7-Апрель көчөсүнөн Ч. Айтматов проспектисине чейин;
• Чүй проспекти — Лермонтов көчөсүнөн Ибраимов көчөсүнө чейин;
• 7-Апрель көчөсү — Жибек Жолу проспектинен А. Токомбаев көчөсүнө чейин;
• Дэн Сяопин проспекти — Фучик көчөсүнөн Б. Алыкулов көчөсүнө чейин.

Маалыматка ылайык, өзүнчө тилкелер автобустардын ылдамдыгын жогорулатууга, жүргүнчүлөрдү тейлөөнүн сапатын жакшыртууга жана жолдо жүрүү убактысын кыскартууга шарт түзөт.