Улуттук статистика комитетинин маалыматына караганда, быйылкы жылдын январь–сентябрь айларында Кыргызстанга АКШдан 7 миң 415 автоунаа алып келинди. Бул көрсөткүч өткөн жылдын ошол эле мезгилине салыштырмалуу 2 миң 282 машинага көп. Ошол эле учурда импорттун жалпы суммасы 17,1%га азайып, 71,1 млн долларды түздү. Бир жеңил автоунаанын орточо баасы 9 590 доллар болду.

Жалпысынан көрсөтүлгөн мезгил ичинде өлкөгө 804,7 млн долларлык 100 миң 162 жеңил автоунаа киргизилген. Бул көлөм өткөн жылдын алгачкы тогуз айына салыштырмалуу 1 миң 887 машинага аз.