19–20-ноябрь күндөрү Кытайдын тышкы иштер министри Ван И Кыргызстанга расмий сапар менен келет. Бул тууралуу КРнын ТИМи билдирди.

Маалыматка ылайык, ал өлкөгө тышкы иштер министри Жээнбек Кулубаевдин чакыруусу менен келет.

Сапардын жүрүшүндө өлкө жетекчилиги менен жолугушуулар, Кыргызстандын тышкы иштер министри менен сүйлөшүүлөр болуп өтөт.

Ошондой эле эки өлкөнүн тышкы иштер министрлеринин деңгээлиндеги Стратегиялык диалогдун 1-жыйынынын өткөрүлүшү жана эки тараптуу кызматташуунун актуалдуу маселелерин талкуулоо пландаштырылууда.

Сапардын жыйынтыгында эки өлкө ортосундагы кызматташуусун бекемдөөгө багытталган бир катар эки тараптуу документтерге кол коюулары күтүлүүдө.