Бишкекте жогорку окуу жайдын мугалими үй-бүлөлүк зомбулук фактысы менен камалды. Бул тууралуу Октябрь райондук ИББ кабарлады.

Маалыматка ылайык, бүгүн, 11-декабрга, караган түнү саат 00:25 чамасында «102» кызматына 11-микрорайондо зомбулук көрсөтүлгөнү билдирүү түшкөн. Окуя болгон жерге дароо милиция кызматкерлери барып, 37 жаштагы эркек киши жубайын сөгүп, кол көтөргөнү тастыкталган.

Эркек киши Тергөө кызматына жеткирилген. Ага Укук бузуулар жөнүндө кодексинин «Үй-бүлөлүк зомбулук» беренеси боюнча административдик протокол түзүлүп, убактылуу кармоочу жайга киргизилген.

Милициянын маалыматында, кармалган жаран Ж.Т. борбордогу жогорку окуу жайларынын биринде окутуучу болуп эмгектенет.