Министрлер кабинетинин төрагасы Адылбек Касымалиев республиканын тургундарын 1-май майрамы менен куттуктады.

Өз кайрылуусунда ал эмгек ар бир үй-бүлөнүн бакубаттуулугунун негизи жана мамлекеттин пайдубалы бойдон кала берерин баса белгиледи. Касымалиев жарандардын күч-аракетинин аркасында өлкө ишенимдүү өнүгүп жатканын: жолдор, мектептер, ооруканалар, турак жайлар курулуп, айыл чарбасы, өнөр жай, туризм жана IT-индустриясы жаңы дем алып жатканын белгиледи.

Кабмин башчысы ошондой эле акыркы жылдарда айлык акылардын, пенсиялардын жана жөлөкпулдардын өскөнүнө токтолуп, кыргызстандыктарга жаңы жетишкендиктерди, ар бир үйгө токчулук жана тынчтык каалады.