5-ноябрда Бишкек шаарындагы Ак-Жар, Ак-Бата жана Келечек конуштарында ичүүчү сууну берүү саат 09:00дөн 17:00гө чейин токтотулат. Бул тууралуу борбор калаанын мэриясы билдирди.

Суу берүү «Ак-Жар» жана «Ак-Бата» суу топтомолорунда, ошондой эле суу түтүк тармактарында оңдоп-түзөө иштерине байланыштуу токтотулууда.

Чектөө аталган аймактардагы турак жайларга, мектептерге, бала бакчаларга, саламаттыкты сактоо мекемелерине жана башка социалдык, өнөр жай объектилерине тиешелүү.

«Бишкексууканал» ишканасы жарандарды жана уюмдарды ичүүчү сууну алдын ала камдап алууга чакырды.