Министрлер кабинетинин төрагасы Адылбек Касымалиев мамлекеттик органдарга жаңы автоунаа жана техникалардын ачкычын тапшырды. Бул тууралуу Өкмөттүн маалымат кызматы кабарлады.

Маалыматка ылайык, Кыргызстанда чогултулган Chevrolet үлгүсүндөгү 30 автоунаа Ички иштер министрлигине, Энергетика министрлигине жана Айыл чарба министрлигине берилди.

Мындан сырткары:

• “Кыргызстан улуттук электр тармагы” ишканасына – 21 техника,
• “Кыргызкөмүр” ишканасына – 12 техника тапшырылды.

Өкмөт башчысынын айтымында, бул чара мамлекеттик органдардын ишин жеңилдетип, тармактардагы кызматтык милдеттерди сапаттуу аткарууга өбөлгө түзөт.