Балыкчы – Бөкөнбаев – Каракол унаа жолу толугу менен ачылды. Бул тууралуу Транспорт жана коммуникациялар министрлиги билдирди.

24-августта кечки саат 22:00–23:00 чамасында катуу жааган жамгырдан улам Кара-Талаа менен Шор-Булак айылдарынын ортосундагы (32–38-чакырымдар аралыгы) жолго сел түшүп, кыймыл убактылуу токтотулган.

Жерине атайын техникалар тартылып, тазалоо иштери жүргүзүлгөндөн кийин, 25-августка караган түнү саат 01:00дө жол кайрадан каттамга берилген.

“Учурда унаа кыймылына эч кандай чектөө жок, жол эки тараптуу ачык”,-деп айтылат маалыматта.