Бишкек шаарында 35 жаштагы жаран 69 миң доллар акчаны алдамчылык жол менен ээлеп алууга шектелип кармалды. Бул тууралуу Биринчи май райондук ички иштер башкармалыгынын басма сөз кызматы билдирди.

Маалыматка ылайык, милицияга жаран арыз менен кайрылып, шектүү чет өлкөгө акча которуп берем деп, анын 69 миң АКШ долларын алдап алып, из жашырып кеткенин билдирген.

Аталган факт боюнча Кылмыш-жаза кодексинин «Алдамчылык» беренеси менен кылмыш иши козголгон. Милиция тарабынан Ж.К. аттуу шектүү жаран аныкталып, Бишкек шаардык ИИББнын убактылуу кармоочу жайына киргизилген. Тергөө амалдары уланууда.

Биринчи Май РИИБи аталган жарандын аракетинен жабыркагандарды милицияга кайрылууга чакырды.