«ВК» жоопкерчилиги чектелген коому Кыргызстанда салыктык каттоодон өттү. Бул тууралуу Мамлекеттик салык кызматы билдирди.

Маалыматка ылайык, аталган ишкана отчёттуулугун тапшырды жана салык милдеттенмелерин аткарды.

“Мамлекеттик салык кызматы «ВК» ЖЧКсынын жоопкерчиликтүү мамилесин кубаттайт жана Кыргыз Республикасында электрондук кызматтарды көрсөткөн бардык чет өлкөлүк уюмдардын салык мыйзамдарынын талаптарын сактоосун камсыздоо боюнча иштерди улантат”,- деп билдирди мекеме.

Ошондой эле Салык кызматы чет элдик санариптик ишканалардын каттоодон өтүшү жана салык төлөшү рыноктун бардык катышуучулары үчүн бирдей атаандаштык шарттарды түзүүгө багытталганын кошумчалады.