Алай районунун Нура айылындагы «Эркеч-Там» автоунаа токтотуучу жайында милиция кызматкерлери менен чырдашкан Кытайдын үч жараны убактылуу кармоочу жайга киргизилди. Бул тууралуу Ош облустук ИИББ кабарлады.

Маалыматка ылайык, окуя 31-августта болгон. ИИМдин күзөт кызматынын өкүлдөрү менен чет элдик жарандардын ортосунда пикир келишпестик чыгып, чырдын жүрүшүндө күзөт кызматкери асманга үч жолу ок чыгарган.

Бул факт боюнча кылмыш иши козголуп, учурда экспертизалар дайындалып, ыкчам-тергөө амалдары жүргүзүлүүдө.