Экономика жана коммерция министрлигине караштуу Антимонополиялык жөнгө салуу кызматынын төрагасы болуп Айбек Мамыралиев дайындалды. Бул маалыматты аталган мекеменин басма сөз кызматы Reporter.kg басылмасына расмий түрдө тастыктады.

Айбек Мамыралиев бул дайындоого чейин аталган кызматтын төрагасынын орун басары болуп иштеп келген.

Ал бул кызматта буга чейин жетектеп келген Жеңалы Орозбаевди алмаштырды. Жалпыга маалымдоо каражаттарында белгиленгендей, мекеменин мурдагы жетекчиси үстүбүздөгү жылдын 10-февралында мамлекеттик кызматтарынан кеткен УКМКнын мурдагы төрагасы Камчыбек Ташиевдин классташы болот.