.svg){kind=logo}
БУУда бүгүн Башкы катчынын кызматына талапкерлердин дебаттары өтөтТИМ Германияда эмне үчүн кыргызстандыктар жумушсуз калганынын жагдайларын тактап жататГерманияда 130 кыргызстандык менен эмгек келишими мөөнөтүнөн мурда токтотулдуФилософиядан корпоративдик маданиятка чейин: КРСУнун бүтүрүүчүсү Kulikov компаниясында HR тармагын кантип жетектеп калды?Чолпон-Атада ШКУнун саммитинин алдында тышкы иштер министрлеринин кеңеши өтөтАйыл чарба министрлиги фермерлерге көк бөрү (голубика) өстүрүүнү сунуштайт
Ашуулардагы абал: жолдор тазаланып, киргизилген чектөөлөр алынууда
09.12.2025 | 11:04
Транспорт министрлиги ашуулардагы жолдорду кардан тазалоо иштери күнү-түнү тынымсыз жүрүп жатканын билдирди.
Бүгүн, 9-декабрь, саат 09:30га карата Бишкек-Ош жолундагы Төө-Ашуу жана Ала-Бел ашуулары менен Суусамыр-Талас-Тараз жолундагы Өтмөк ашуусунда оор жүк ташуучу унааларга киргизилген убактылуу чектөө алынды.
Ал эми Бишкек-Нарын-Торугарт унаа жолундагы Долон ашуусунда тазалоо, инерттик материалдарды чачуу иштери жүрүүдө. Алдыңкы сааттарда буга чейин киргизилген оор жүк ташуучу унааларга чектөө алынат.
Министрлик жарандарга кандай кырдаал жаралбасын каршы тилкеге чыкпай, жол эрежесин так сактоону эскертип, унаа дөңгөлөктөрүн кышкыга алмаштырып, керектүү шаймандарды ала жүрүүгө чакырды.
Рубрики: Жаңылыктар, Коом
