«Бегемот кыз» деген каймана ат менен белгилүү блогер Алина Жакыпова айдоочулук күбөлүгү жок унаа башкарганы үчүн айыпка жыгылды. Бул тууралуу Reporter.kg’ге укук коргоо органдарындагы булак билдирди.

Посмотреть эту публикацию в Instagram

Публикация от Reporter.kg (@reporter_kg)

Маалыматка ылайык, кечээ, 23-сентябрда, Жол кайгуул кызматынын кызматкерлери Жакыпованын унаасын Горький менен Байтик Баатыр көчөлөрүнүн кесилишинде токтотушкан. Текшерүү маалында анын жанында тиешелүү документтер жок болуп чыккан. Мындан улам ага айып пул салынып, унаасы айып токтотуучу жайга киргизилген.

Эске салсак, 30-июнга караган түнү Алина Жакыпова мейманканада Жан Воиновдун жубайы менен болгон окуядан кийин мас абалында унаа башкарып баратып, патрулдук кызматкерлерге кармалган. Анда ал бир жылга айдоочулук күбөлүгүнөн ажыратылган эле.