Кыргызстандын 15 жашка чейинки футбол боюнча улуттук курама командасы Азербайжанда өтүп жаткан өспүрүмдөр арасындагы дүйнө чемпионатында Боливиянын курамасын 0:3 эсебинен кийин жеңди. Биринчи таймда боливиялыктар 3:0 эсебинде алдыда болушкан, ал эми экинчи таймда кыргызстандыктар жоопсуз төрт гол киргизишти. Алдос Касымов эки гол киргизсе, дагы эки гол Амангелди Асанбековдун эсебинде.

28-октябрда турнирде плей-офф баскычы башталып, кыргызстандыктар 33–64-орундар үчүн күрөшүп жатышат. 1/16 финалда Владимир Сало жетектеген команда Кот-д’Ивуардын курамасына 0:4 эсебинде жеңилген.

Эми кыргызстандыктар 49–56-орундар үчүн ойношот. Кийинки атаандашы — Катардын курамасы. Беттеш бүгүн, 29-октябрда өтөт.