Айыл чарба министрлиги жарым жылга уй, кой жана эчкинин экспортун чектөөнү сунуштады.

Чектөөнүн негизги максаты эттин баасынын туруктуулугун сактоо жана өлкөнүн азык-түлүк коопсуздугун камсыз кылуу.

Министрликтин маалыматына ылайык, бул чара реэкспортко, транзиттик ташууга, ЕАЭБ өлкөлөрүнө жеткирүүгө, ошондой эле мурда берилген квоталарга таасир этпейт. Учурдагы квоталар — уй боюнча 26 915 баш, кой/эчки боюнча 54 800 баш, жылкы боюнча 4 243 баш.

Мындан тышкары, чектөө спорттук мелдештер үчүн жылкыларга жана мамлекеттик деңгээлдеги белек катары берилүүчү малга колдонулбайт.