Кытайдын Ханчжоу шаарында өтүп жаткан Азия оюндарында грек-рим күрөшү боюнча кыргызстандык балбан Акжол Махмудовдун атаандаштары белгилүү болду. Балбандардын тизмесин Дүйнөлүк күрөш уюму жарыялады.
Азия оюндарынын алкагында күрөш боюнча таймаштар 4-7-октябрда болуп өтөт. Грек-рим, эркин жана кыз-келиндер күрөшү боюнча мелдештер олимпиадалак салмак категориясы боюнча өткөрүлөт: грек-рим күрөшү – 60, 67, 77, 87, 97, 130 кг, эркин күрөш – 57, 65, 74, 86, 96, 125 кг жана кыз-келиндер күрөшү – 50, 53, 57, 62, 68, 76 кг.
Махмудов күрөшкөн 77 кг салмакта жалпы 12 спортчу күч сынашат. Акжол Махмудов 4-октябрда килем үстүнө чыгат. Азырынча ал биринчи беттешинде ким менен күрөшө турган белгилүү боло элек.
77 кг салмактагы балбандар:
- Сопхак Кео (Камбожа)
- Руй Лю (Кытай)
- Викас (Индия)
- Андика Сулаеман (Индонезия)
- Амин Кавиянинежад (Иран)
- Кодай Сакураба (Япония)
- Азат Садыков (Казакстан)
- Акжол Махмудов (Кыргызстан)
- Бахит Бадр (Катар)
- Хёну Ким (Түндүк Корея)
- Висит Тамвират (Таиланд)
- Дилшод Омонгелдиев (Өзбекстан)
Биздин Телеграм каналга катталыңыз
