Кыргызстандык балбан Раззак Бейшекеев грек-рим күрөшү боюнча Азия оюндарында коло медаль тагынды.

Бейшекеев 67 килограммга чейинки салмакта күч сынашты. Спортчу биринчи беттеште жапониялык спортчуга утулуп, андан кийин Тажикстандын өкүлүн утту. Коло байге үчүн болгон беттеште Бейшекеев Өзбекстандын балбаны менен беттешип, жеңишке жетти.

Мелдеш 23-сентябрдан 8-октябрга чейин Кытайдын шаарларында өтүүдө. Ага 45 өлкөдөн 12 500дөй спортчу катышууда.

Раззак Бейшекеев “Ак илбирс” олимпиадалык резервдеги адистештирилген балдар-өспүрүмдөр спорт мектебинин окуучусу.

Биздин Телеграм каналга катталыңыз