Баткен облусунун Кадамжай районундагы Боз айылынын тоосунда жайгашкан өз алдынча көмүр казуучу шахтада бир жаран газга ууланып каза тапты. Бул тууралуу ӨКМ билдирди.

Маалыматта айтылгандай, бүгүн, 20-майда “112” кызматына аталган шахтага (9-забой) газ толуп, ичинен бир эркек киши чыга албай калгандыгы тууралуу маалымат келип түшкөн.

Куткаруу ишин жүргүзүүгө ӨКМдан 6 куткаруучу тартылган. Куткаруучулар аталган жарандын сөөгүн забойдун 90 метр тереңдигинен алып чыгып, туугандарына өткөрүп беришкен.