Жалал-Абаддын Базар-Коргон районунда салык төлөөчүлөр менен иштөө бөлүмүнүн башчысы пара алууга шектелип кармалды. Бул тууралуу УКМКдан билдиришти.

Маалыматка ылайык, салык кызматкери (О.С.А.) мүлк жана камсыздандыруу төгүмдөрү боюнча салык карыздарынын жоктугу/бар болгондугу жөнүндө маалымкат алуу, салыктык чегерүүлөрдү жана жеке ишкерлерге салык чендерин азайткандыгы үчүн пара алып жүргөн.

Ал 9-январда кармалган. Салыкчыга Кылмыш-жаза кодексинин 342-беренесинин 1-бөлүгү (пара алуу) боюнча кылмыш иши козголду.

Учурда бул ишке тиешеси бар адамдарды аныктоо иштери жүрүүдө.