Бишкек шаарындагы 4,1 миңден ашуун жакыр үй-бүлөгө кышка көмүр даярдоо үчүн 21,4 млн сом берилет. Бул тууралуу борбор калаанын мэриясы билдирди.

Азыр 3,6 миңден ашуун үй-бүлө 18,5 миллион сом өлчөмүндө компенсация алышты. 2021-2022-жылытуу мезгилине карата калк үчүн 123 миң тонна көмүр сатып алуу пландалууда.

Калк тарабынан көмүр сатып алуу график боюнча 2021-жылдын июлунан башталган. 2021-жылдын 1-октябрына карата калк 55,9 миң тонна көмүр сатып алышкан, бул жылдык пландын 45% ын түзөт.