Бүгүн, 24-сентябрда, Бишкек шаарында «Хан Тенгри» көп функционалдуу турак жай комплексин куруу боюнча инвестициялык келишимге кол коюлду. Долбоордун баасы 210 млн АКШ долларын түзөт. Бул тууралуу агенттиктин басма сөз кызматы билдирди.

Келишимге Инвестициялар боюнча улуттук агенттиктин директору Равшанбек Сабиров жана «Хан-Тенгри девелопмент» ЖЧКсынын башкы директору Чжоу Цинхуа кол коюшту.

Равшанбек Сабиров шаардык инфратүзүмдү өнүктүрүүгө жеке инвестицияларды тартуу артыкчылыктуу багыттардын бири экенин билдирди. Анын айтымында, долбоор Бишкек шаарынын курулуш тармагын өнүктүрүүгө багытталган.