Бишкек шаарында улгайган аялды чоң акчага алдап кеткен деп шектелип 22 жаштагы жигит кармалды.

Бишкек ШИИБдин маалыматында, милцияга 77 жаштагы аял кайрылып, анда өздөрүн күч түзүмдөрүнүн кызматкерлери катары тааныштырган белгисиз адамдар анын ишенимине кирип, 850 миң сом акчасын ээлеп алышканын билдирилген.

Бул факт боюнча Кылмыш-жаза кодексинин 209-беренеси “Алдамчылык” менен кылмыш иши козголгон. Кылмышка шектүү катары 22 жаштагы А. Ж. кармалып, убактылуу кармоочу жайга киргизилди. Учурда тергөө иштери уланууда.