Бишкекте алдамчылыкка шектелген аял кармалды. Бул тууралуу Октябрь райондук ички иштер бөлүмүнөн билдиришти.

Маалыматка ылайык, шаардык аял милицияга кайрылып, 27-апрелде бир аял арыз ээсине 1,2 миң доллар турган бриллианттарын кайра сатууну убада кылганын билдирген. Бирок ал убадасын аткарбай, күрөөканага өткөрүп, акчасын алып из жашырып кеткен.

Аталган факты боюнча КРнын Кылмыш-жаза кодексинин 209-беренеси «Алдамчылык» менен кылмыш иши козголду. Милиция кызматкерлери тарабынан табылып, 52 жаштагы Б.Т. Октябрь райондук соту аны Бишкек шаарындагы СИЗО-1ге бир айга камады.