Бишкектин Октябрь районунун Элебаев көчөсүндөгү таштанды челектен ымыркай табылды. Бул тууралуу маалыматты Reporter.kg’ге «Тазалык» ишканасынан ырасташты.
Ымыркайды ишкананын кызматкерлери эмес, жакынкы үйлөрдүн жашоочулары 8-ноябрда саат 23:30да байкашкан. Алар баланын үнүн угуп, милиция чакырышкан.
Ымыркай суукта үшүп калган. Учурда абалы туруктуу.
Октябрь райондук милициясы Reporter.kg’ге билдиргендей, бөбөк №1 төрөт үйүнө жеткирилген. Учурда териштирүү иштери жүрүп жатат.
Биздин Телеграм каналга катталыңыз
