.svg){kind=logo}
«Жаштык Аренада» КРСУнун тарыхындагы эң масштабдуу бүтүрүү кечеси өтөтБУУнун башкы катчысы: жасалма интеллект теңсиздикти эмес, адамдарды колдоого тийишAir China Пекин — Бишкек — Пекин багыты боюнча үзгүлтүксүз каттамдарды ачатБишкекте баңгизат колдонгон абалдагы айдоочу жөө жүргүнчүлөрдү сүзүп кетти18-июль: Кыргызстанда абанын температурасы +43° чейин көтөрүлөтМанастагы «Даңк аллеясы»: аза күткөн эне, өчпөс от жана үч миң ысым
Бишкекте эркек киши бир жыл мурун жоголгон жарандык никедеги аялын өлтүргөнүн моюндады
10.09.2025 | 11:42
2024-жылдын 21-июнунда Свердлов райондук ИИБге 61 жаштагы аялдын үйүнөн чыгып кеткен бойдон дайынсыз жоголгону тууралуу арыз түшкөн. Милиция кызматкерлери аны издөөнү башташкан.
Бир жылдан кийин, тактап айтканда, 2025-жылдын 13-августунда ыкчам кызматкерлер аялдын дайынсыз жоголушуна анын жарандык никедеги күйөөсүнүн тиешеси бар экенин аныкташкан. Ал милиция бөлүмүндө аялды өлтүргөнүн моюнга алып, өзүнүн короосунда анын сөөгү көмүлгөн жерди көрсөтүп берген.
Милиция кызматкерлери көрсөтүлгөн жерди казып, чаар сумканын ичиндеги аялдын сөөгүн табышкан.
Бул факты боюнча Кылмыш-жаза кодексинин «киши өлтүрүү» беренеси менен кылмыш иши козголуп, шектүү убактылуу кармоочу жайга киргизилген. Ошондой эле бардык керектүү экспертизалар дайындалган.
Рубрики: Жаңылыктар, Окуялар
