Бишкек мэриясынын басма сөз кызматы билдиргендей, борбор калаанын төрт районунда түнкү тынчтыкты сактоо боюнча профилактикалык рейддер өткөрүлдү. Рейддерге вице-мэрлер Виктория Мозгачева, Азамат Кадыров, Нургазы Курманбеков жана мэрия аппаратынын жетекчиси Ильяс Колопов катышты.

Тургундардан даттануулар түшкөн клубдар жана көңүл ачуу жайлары текшерилип, ээлерине мыйзамдын талаптары түшүндүрүлдү. Айрым жайларга — «Кочевник», My Shisha жана Season — 84 миң сомго протокол түзүлдү.

Муниципалитет эскертет: жумуш күндөрү тынчтык саат 22:00дөн 07:00гө чейин, ал эми ишемби, жекшемби жана майрам күндөрү — 22:00дөн 09:00гө чейин сакталууга тийиш. Мындай рейддер мындан ары да улантылат.