Бишкек шаардык кеңешинин депутаттары 30-июндагы отурумунда «Бишкек шаарынын муниципалдык көрүстөндөрүндө сөөк коюучу жайларды алдын ала ээлеп коюу (брондоо) боюнча кошумча кызматтардын коэффициентин бекитүү жөнүндө» токтом долбоорун жактырышты.

Документке ылайык, муниципалдык көрүстөндөгү сөөк коюучу жайды нике тууралуу күбөлүгү бар болгон учурда гана жубайлар алдын ала ээлеп коё алышат.

Кошумча кызматтардын коэффициенти 50 647 сом өлчөмүндө белгиленди. Бул суммага жер тилкесин даярдоо, аны көрктөндүрүү, ошондой эле он жыл бою күтүү жана санитардык тейлөө иштери кирет.

Министрлер кабинетинин 2025-жылдын 19-августундагы № 502 токтому менен белгиленген 100 миң сом өлчөмүндөгү базалык наркты эске алганда, сөөк коюучу бир орунду алдын ала ээлеп коюунун жалпы баасы 150 647 сомду түзөт.