Бишкекте үч жаран карактоого, бейбаштыкка жана уюшкан топ түзүүгө шектелип кармалды. Бул тууралуу шаардык милициядан билдиришти.

Милициянын маалыматы боюнча, 14-январда эртең мененки саат 07:00дордо белгисиз адамдар “Тунгуч” кичи районундагы ээн талаада 28 жаштагы жигитти ур-тепкиге алып, аны видеого тартып алган. Сабалган жигит милицияга арыз жазган.

Аталган факт боюнча Кылмыш-жаза кодексинин 261-беренеси (уюшкан топ түзүү жана ага катышуу), 207-беренеси (каракчылык) жана 280-беренеси (бейбаштык) менен кылмыш иши козголгон.

Иликтөө иштеринин натыйжасында шектүү катары 21 жаштагы Б.М., 20 жаштагы Н.А. жана О.Н. аттуу жарандар кармалган.

Учурда тиешелүү экспертизалар дайындалып, тергөө уланууда.